فلم سينمائي ..

أباسرج ياحروف الشعر حصاني وانـدب الفرسـان=
أبارجـع للسنيـن الـلـي بـهـا كــل الـعـرب راسـيـن
أبارجـع ياكـريـم الفـعـل لـقـروى وحــارة الـريَّـان=
حواري في المصيف اللي جميع الناس لـه شفقيـن
هـذاك الطايـف المانـوس الـى جيتـه مثـل بسـتـان=
مــزارع كــل مافيـهـا ثـمــار الـــورد واليَسْـمِـيـن
تقابـلـك الغـصـون تشـيـل تـفـاحـه مـــع الـرمــان=
ومشمش طايفي مشهـور مـع الرايـح مـع اللافيـن
الـــى مــريــت بــالــردَّف والاّ جــيــت لـلـرُكـبـان=
تـشـوف العـالـم السنـعـه بـوسـط عيالـهـم لاهـيـن
ويازينـه الــى قـالـوا شـفـا الطـايـف مـطـر هـتَّـان=
وجـيـت جبـالـه الخـضـرا تِـلَـوَّن بـالـبَـرَدْ لـونـيـن
وخالطهـا الضبـاب الـلـي جمـالـه يفـتـن الشفـقـان=
ألا سبحـان مـن جمَّـع ضبَابـه وسـط حضـن التيـن
ابــد مـاكـان بــه ضِيـقـه اراضــي مابـهـا بـنـيـان=
مساحـات بـهـا اشـجـار وكــل الـنـاس محتشمـيـن
كــل محـتـرم نـفـسـه يـراعــي حُـرْمــة الـجـيـران=
ولـو حتـى ظهـر مشكـل يعالـج فـي حضـور اثنيـن
ابـــد مـاكـانـت الـعـالـم تـــدوِّر لـلــردى عــنــوان=
ولا كانـوا علـى الغلـطـه يـجـي باسبابـهـا صفـيـن
سموحين الوجيـه اخـوان قسـم بالله كانـوا اخـوان=
طبايعهـم كمـا اللولـو ولــو فــي الـلـون مختلفـيـن
والــى مـنـا بغيـنـا الـــورد والنـعـنـاع والـريـحـان=
نِقـيِّـل فــي الـهـدى يــومٍ يـسـر القـلـب والعينـيـن
بساتيـن العنـب جـنـة وظــل الـسـدر شـانـه شــان=
بــراد ومنـظـر رائــع يـزيـد الـعـمـر زود سـنـيـن
ولا ننـسـى بـعـد لِـيَّـه وحَـوايـا وبـاقــي الـوديــان=
انـشـهـد كـانــت الـدنـيـا حــيــاة كـلـبـوهـا زيــــن
كان البيت وسط الحوش ووسط الحوش كم حصان=
وزود افـراس مشهـوره ومجلـس يجـمـع الغالـيـن
وكنت اسمع وانا صِغَيِّر كـلام النـاس ابـن نمشـان=
وبــاب الـحـوش مايقَـفِّـل الا يـاحـي هــاك الـعـيـن
الــى مِـنَّــه خـطــر طِـرقــي ألاَ يـاحــزة الـرحـمـن=
يهليـبـه ولا كـنـه ســوى واحـــد مـــن الاخـويــن
دلالـه صفـر مِرتِصـه مـن اجــود مـاركـة رســلان=
وابـاريـق ٍمـركـاةٍ وسـمــن وزبـــد مـــع عـذقـيـن
وبعدهـا يبشـر بكبـشٍ سميـنٍ مــن خِـيَـار الـضـان=
وترحيـب الـى سمعـه حـسـود قــام يشـكـي البـيـن
كنـا صغـار فـي الاجـسـام ولـكـن كــل فـعـل يـبـان=
نقـوم بواجـب الشايـب نشيـل الحمـل لــو حملـيـن
اهلنـا مـن خيـار النـاس وألاَ ياطـيـب ذا الجـيـران=
نـعـيــش بـعـالــم مــــروه ألاَ يـاويـنـهـم يــاويــن
يـوم البـيـت مـاهـو بعـيـد عــن بـيـر لـهـا خــزان=
يجـيـب المـويـه السـقـا بجوالـيـن عـلـى الجنبـيـن
انـا اذكــر دكــة العـمـده –عويـمـر يفـتـح الـدكـان=
ولا انسى راعي القودا وعيـال البيـز كانـوا اثنيـن
ولا انسى مدرسـة قـروى ولا راشـد ابـن سمحـان=
ولا يمكـن بـعـد انـسـى هــاك البـيـت ابــو لونـيـن
ولو بارجع الى الذكـرى اباذكـر قصـر ابـن صَبَّـان=
ألاَ مـن يعـرف القشلـه وبــاب الـريـع والسُوقـيـن
ومن منكم عرف شبرا ومـر القصـر ابـو روشـان=
والاَّ شـاف ماشفتـه بيـوت مــن الحـجـر والطـيـن
وإِلاَّ مـنــزل الـكـاتـب ومِـسـيـد الـعـيـد والـمـيـدان=
وإلاَّ مـسـجـد الـعـبـاس وكـــل الـنــاس مبتهـلـيـن
واذكر موتر الشيبي ولا انسى البيـت ابـو جنحـان=
مـثـل طـيـارة الفـوكـر مراوحـهـا عـلـى الجنـبـيـن
ولا انسى بيت ابن زرعه ولا القرني وابن سبعان=
وكــل سـكـان حارتـنـا عـددهـم مايـجـي خمـسـيـن
ويوم العيد في الطايف يعـادل فـي الحسـاب ازمـان=
تشـوف النـاس فـي المشهـد يمـيـن الله محتفلـيـن
يــوم اجسامـنـا كـبـرت وطلـعـت حـبـة الشـيـطـان=
بدينـا نلبـس المرعـز ونكتـب فـي الــورق بيتـيـن
كنا نشوف في الشاشـة فلـم وضحـا وابـن عجـلان=
وقـصـة عنـتـر العبـسـي وعبـلـه تِبَـكِّـي العيـنـيـن
وكـنـا نحْـكُـر المشـيـة ونعـطـي البـائـع الـطـفـران=
رسـالـة كلـهـا آهــه ونـرسـم سـهــم مـــع قلـبـيـن
ومــا كـنـا ابــد نبـكـي - لـيــش نِـفِــرِّح الـعــدوان=
ولا كـنــا ابـــد نـشـكـي اهـلـنـا مـالـهـم وجـهـيــن
صحـيـح ايامـنـا حـلـوة حسـافـة راحــت الازمــان=
حسـافـة جيلـنـا الحـاضـر حيـاتـه كلـبـوهـا شـيــن
وعـن العابنـا مـا انسـى عظـم سـاري ولا الكنكـان=
وحتـى الضومنـه تسبـي عقـول كـبـار وصغيـريـن
وكـنـا نلـعـب اللـيـري ونـركـض نـطــرد الـونَّــان=
وناكـل مــن دجــاج الـبـر واكـبـر حلمـنـا قرشـيـن
كـنــا نجـتـمـع عـشــرة ولـكــن سِــرَّنــا مـايـبــان=
ونلمـح دكـة الشيبـان وهـم مــن وضعـنـا فرحـيـن
كـنـت اسـمـع لـهـم ذكــر بـصـوت واضــح رنَّــان=
قـبـل مـايِـذِِّن الـمـذِّن صـــلاة الـصـبـح منتبـهـيـن
بعضـهـم كـــان مـايـقـرا ولـكــن يـحـفـظ الـقــرآن=
وتسمعـلـه بـوسـط اللـيـل تــلاوة تـوقـظ الـلاهـيـن
الا يـازيـنـهـا ايــــام كـتـبـهـا الــواحـــد الــديَّـــان=
عـسـى شيبانـنـا الـجـنـة انـشـهـد إنهم غـالـيـن

(سلمان بن نمشان)

->إقراء المزيد...