ذكرى قديمة .....

أريام يـا محمـد كوتنـي علـى الجـوف =
وردتــنــي لــذكــرى لــيــال ٍ قـديــمــه
للـي معـه قلبـي مـن سنيـن مخطـوف =
يــوم البـخـت يـوصِــل نـديــم لنـديـمـه
لكـن غابـت وازرق الـدمـع مــذروف =
وصـار الفـرح ياخـوك كـنـي غريـمـه
مشـتـاق لـلـي عـنـه حدتـنـي ظــروف =
وسِلم الرجال اهـل الوفـا والحشيمـه
للـي وصوفـه فـي هواجيسـي تطـوف =
ولــه بالحنـايـا قـــدر عـالــي وقـيـمـه
طيـفـه يـزولّـي عـلـى كــل شفـشـوف =
وشيّـد لـه بقلـبـي مــن الـحـب خيـمـه
راع العيون اللي بها رماح وسيـوف =
يـاويـل منـهـو ترتـكـز فـــي صمـيـمـه
والخـد كنـه لاغـشـى وجهـهـا خــوف =
نور انكسار الشمس في وسط غيمـه
والا ثمانه .... كنهـا اللـول مصفـوف =
عـنـدي لـهــا نـيّــة .. ونـيّــه سلـيـمـه
في ثغرها جمر الغضـا يرسـم طيـوف =

وانفاسهـا .. زهـر الفيـاض ونسيمـه
وشـلال ليلـه فـوق الامتـان منسـوف =
يـزعــج عـيــون نـاعـسـات وسـيـمـه
عنـقـا دقـاقـة خـصـر منـبـوزة ردوف =
والصـدر زامـي والوصـايـف عديـمـه
غابت ومعها غاب عن عيني الشوف =
والـهـم حاصـرنـي وروحــي سقـيـمـه

->إقراء المزيد...