اليـوم جيتـك وانـا محـتـاج وقفـاتـك
تكفى دخيلك غضاة الشوق تكوينـي
في جوفي النار خيال شوف بسماتك
قمـت اتـوجـد عـلـى وقــت يسليـنـي
يامالك الروح خيال سمـع ضحكاتـك
قمـت التفـت يميـن يسـار وشفيـنـي
هنـاك زولـك هـنـا يـازيـن لحظـاتـك
لا والله هنـاك اشوفـك لـيـه جافيـنـي
خـيـال يـذبــح بـروحـاتـك وجـيـاتـك
لا والله الا جحيـم الـشـوق يصليـنـي
يامالك الروح سهـر ليلـي بسهراتـك
خيالـك اشغـل خيالـي ليـه تشقيـنـي
تعال لحظة ابـي كلمـة علـى شفاتـك
تكفـى دخيلـك ابيهـا بــس تشفيـنـي
البعـد جمـرة غضـى يابعـد روحاتـك
تروح روحي الى ابعدت عـن عينـي
قمت اتوجد علـى شوفـك ومرضاتـك
وذبحنـي الشـوق دخيـل الله داوينـي
خلاص هانت خيالي شـاف نظراتـك
لو هو خيـال رضيـت بكـل مـا فينـي
باكـر اسـافـر وبـعـد بـاكـر ملاقـاتـك
ياطـايـر السـعـد عـجــل لا تعنـيـنـي
->إقراء المزيد...
1 التعليقات:
رائــــــــــــــــــعة من رائع
ومميز في كل شي حتى خيالك وبوحك
هل هذا الخيال وصل لدرجة انك تراها بعيده ثم تقترب ثم تعود بعيدا؟؟؟
أم انها تتحرك مع نظراتك وتحركات عينيك؟؟
فأنت حين تنظر هناك تراها .. وحين تنظر هنا تراها ثم تعود بنظرك هناك لتراها ؟؟
انها تسكن عينيك وروحك وتراها حيث نظرت
هكذا قرات رائعتك آمل ان لا أكون مخطئاً
تقبل احترامي وتقديري
إرسال تعليق