رسالة سهلي

يابو عمر ياخوك لعبت بنا ازمان = فيها ردي الفعل ثوبه جديدي

المفلسين اليوم برتبه ونيشان= وراعي الوفا عايش فقير وحيدي

ناظر وسوم الجمر باسباب نيران = نار القهر تجري بداخل وريدي

ماني حسود اقسم ولانيب غلطان = لكن اشوف الوضع صاير يزيدي

اشوف هاك الضبع كشَر بنيبان= يطلب اقول ارجوك عمي وسيدي

يخسى ورب البيت لو عشت فقران = مايسمع الا قول ... قم حب ايدي

اقرب عليه الشمس من ذل سلمان= لو كان ذا المعتوه منهو يريدي

انا سهلي عاش بالعز له شان= ماني كديش نصف ربعه عبيدي

لي لابة لأحتجت للوقفه انسان= ازبن تجد للوضع موقف فريدي

اقولها جرب ولا نيب بلشان = ربعي هل الطولات شمسي وعيدي

وكان الزمان اقفى ترى بدرنا بان = الله كريم ان شاء فضله مديدي

ومادام ابو متعب على الدارسلطان = انا احمد المعبود حظي سعيدي

->إقراء المزيد...